Geliefdes in ons Here Jesus Christus, hoe voel u oor u verhouding met God. Miskien klink dit na 'n vreemde vraag en daar is dan 'n katkisasieboek antwoord daarop. Maar kom ons vergeet vir 'n oomblik van al die regte antwoorde wat ons kan gee.

Geliefdes in ons Here Jesus Christus. WIE IS GOD !!!!!!!!
 
Hoe ken ons God. God is nie iets wat ons voor ons op ‘n tafel kan neersit en ontleed nie. Ons kan nie God bestudeer en dmv waarneming hom uiteindlik ken nie. Dit wat ons verstaan en kan sien is maar ‘n baie karrige weg as ons iets van God wil leer.

Dit is dikwels moeilik om te Glo en te Leef asof God red. Is jy bereid om te sterf vir jou geloof? Is jy bereid om jou probleme in God se hande te los? Waarom Dien ons God? Daar is so baie wat verkeerd gaan in die wêreld. Dit laat ons vra: "Waar is God?" "Waarom laat Hy dit toe?" Ons voel weerloos teen die wêreld en begin dan twyfel. Wat behoort ons te doen as ons moedeloos voel? Daniel is geskryf om die Jode te bemoedig in 'n donker tyd. Hulle leef tussen heidense volke en moet vashou aan hulle geloof midde in 'n worsteling tussen wat hulle glo en wat die wêreld van hulle verwag.

Ons dien God nie vir Geld, Gesondheid of Versorging nie. Ons dien Hom omdat Hy God is en ons nie anders kan nie. Selfs as Hy kies om ons nie te red nie bly ons steeds glo. Ons geloof gee ons moed want ons weet dat God in beheer is. Wanneer Hy ingryp sien selfs die ongelowige koning dat Hy die Enigste God is. Dit laat ons uit 'n nuwe perspektief na ons omstandighede en prioriteite kyk. Ons het selfs meer as Daniel en sy vriende. Ons het die versekering dat Christus aan die Kruis vir ons gesterf het, en ook die Troos wat die Heilige Gees bring. Hoeveel te meer sal ons dan nie kan moedhou nie. Geen ander God, kan soos Hy red nie.

24 Augustus Openbaring 12, 19 en 22 Ons leef in 'n siek samelewing waar dit moeiliker en moeiliker word om mense te troos en bemoedig. Die boodskap vir die Christene wat in die tyd geleef het toe die Openbaring brief geskryf is was dat God in beheer is en dat Hy sal oorwin. Maar net soos die Christene in die tyd van Openbaring glo ons ook nie dat dit gaan werk nie. Ons enigste hoop is Christus. Hy voer die stryd teen die bose en wen. Die wapen wat God gebruik in die stryd teen die bose is Liefde. Hy oorwin deur self aan die kruis vir ons sondes te sterf.

Jesus het self mens geword en weet hoe dit voel om 'n mens te wees. Hy maak 'n stukkende wêreld heel met Sy bloed. Die enigste manier om troos en hoop te bring in ons samelewing is om Liefde te gee. Om ander mense lief te hê is die enigste manier om die bose te oorwin. Ons moet self kies om reg te doen sodat ons genesing kan bring in die wêreld. God se Liefde oorwin alle kwaad. Aan Hom die Eer.